पुणे : भारतीय संविधान दिनानिमित्ताने डॉ. बाबासाहेब आंबेडकर संघर्ष समितीच्या वतीने संविधानाच्या प्रतींचे वाटप करण्यात आले. भारतीय संविधान जनमानसात पोहोचावे, यासाठी दर वर्षी संविधान दिनाच्या निमित्ताने समितीचे संस्थापक अध्यक्ष शशिकांत कांबळे राजकीय, सामाजिक, शैक्षणिक, प्रशासन क्षेत्रातील मान्यवरांना, तसेच शाळा-महाविद्यालयांत संविधानाच्या प्रती भेट देतात.
यंदा समितीतर्फे महाराष्ट्र नवनिर्माण सेनेचे अध्यक्ष राज ठाकरे, उद्योजक नानासाहेब गायकवाड, सावित्रीबाई फुले पुणे विद्यापीठाचे प्र-कुलगुरू प्रा. एन. एस. उमराणी, विशेष पोलीस महानिरीक्षक सुनील रामानंद, साहित्यिक वि. दा. पिंगळे यांच्यासह अनेक मान्यवरांना संविधानाची प्रत भेट देऊन संविधान दिन साजरा करण्यात आला.
या वेळी विकास कांबळे, सागर गायकवाड, सचिन गजरमल, लक्ष्मण जाधव, रामदास कांबळे, अनिल गायकवाड, गणेश कांबळे, गणेश आबनावे यांच्यासह समितीचे पदाधिकारी उपस्थित होते.